२०८१ साल वैशाख १४ गते शुक्रबार
काठमाडौँ । रेडियो नेपाल र कृषि सूचना तथा प्रशिक्षण केन्द्रबिच रेडियो नेपालबाट कृषि सचेतनासम्बन्धी सूचना तथा सन्देश प्रसारण गर्ने सम्झौता भएको छ।
सम्झौता पत्रमा रेडियो नेपालका कार्यकारी निर्देशक बुद्धिबहादुर केसी र कृषि सूचना तथा प्रशिक्षण केन्द्रका प्रमुख ईश्वरी प्रसाद पाण्डेले आज हस्ताक्षर गर्नुभयो।
रेडियो नेपाल र कृषि सूचना तथा प्रशिक्षण केन्द्रबिच यस अघि भएको सम्झौता अनुसार रेडियो नेपालबाट दैनिक साँझ ६ः४० बजे र दिउँसो १ः०५ बजे पन्ध्र मिनेटको कृषि कार्यक्रम प्रसारण हुँदै आएको छ।