२०८१ साल पुष ६ गते शनिबार
काठमाडौँ । सङ्घीय संसद्का गतिविधि आम नागरिकलाई जानकारी गराउने उद्देश्यले रेडियो नेपालबाट साप्ताहिकरुपमा सङ्घीय संसद् सम्बन्धी कार्यक्रम प्रसारण गरिने भएको छ ।
सङ्घीय संसद् सचिवालय र रेडियो नेपालबीच कार्यक्रम प्रसारण गर्ने सम्बन्धी आज सम्झौता भएको हो ।
सम्झौता पत्रमा रेडियो नेपालका कार्यकारी निर्देशक बुद्धि बहादुर के.सी. र सङ्घीय संसद् सचिवालयका सह–सचिव बविता मिश्रले हस्ताक्षर गर्नुभयो ।
हस्ताक्षर कार्यक्रममा सङ्घीय संसद् सचिवालयका सचिव सुदर्शन खड्काले सङ्घीय संसद्का काम कारबाही आम नागरिक समक्ष पुर्याउन रेडियो कार्यक्रम प्रसारण गर्न लागिएको बताउनुभयो ।
सम्झौता अनुसार माघ २१ गते शुक्रवार बिहान ७:४० बजेदेखि हरेक हप्ता शुक्रवार सोही समयमा १५ मिनेटको कार्यक्रम प्रसारण हुनेछ ।