२०८१ साल वैशाख ८ गते शनिबार
काठमाडौँ । रेडियो नेपाल र राष्ट्रिय युवा परिषदबीच युवा सञ्चार रेडियो कार्यक्रम प्रसारणलाई निरन्तरता दिनेसम्बन्धी सम्झौता भएको छ ।
सम्झौता पत्रमा रेडियो नेपालका कार्यकारी निर्देशक बुद्धि बहादुर के.सी र राष्ट्रिय युवा परिषद्का तर्फबाट परिषद्का प्रशासकीय प्रमुख डा. बाबुराम ढुङ्गानाले हस्ताक्षर गर्नुभयो ।
रेडियो नेपाल वाट हरेक आइतबार बिहान ७ः२५ बजे देखि प्रसारण हुने युवा सञ्चार कार्यक्रममा युवा वर्गलाई लक्षित गरेर विषय वस्तु समेट्ने गरिन्छ ।
त्यस अवसरमा परिषद्का उपाध्यक्ष माधव ढुङ्गेलले परिषद्ले युवाहरूका लागि स्वरोजगारी कार्यक्रम मार्फत दिने ऋण युवा उद्यम कार्यक्रम तालीम लगायतका विषयमा कार्यक्रम मार्फत युवाहरूलाई जानकारी दिन अनुरोध गर्नुभयो ।