२०८३ साल असोज १४ गते बुधबार
काठमाडौँ । सार्वजनिक सेवा प्रसारण नेपालको सञ्चालक समिति सदस्यमा सञ्चार विज्ञ अनिता गुरुङ र सञ्चार तथा सूचना प्रविधि मन्त्रालयका सहसचिव गौरव गिरी नियुक्त हुनुभएको छ ।
सञ्चार तथा सूचना प्रविधि मन्त्री पृथ्वी सुब्बा गुरुङले सार्वजनिक सेवा प्रसारण ऐनको दफा ८ बमोजिम सञ्चार विज्ञको रुपमा गुरुङ र मन्त्रालयको प्रतिनिधिको रुपमा गिरीलाई नियुक्त गर्नुभएको हो ।
नवनियुक्त सदस्यहरूलाई सार्वजनिक सेवा प्रसारण नेपाल (पीएसबी)का कार्यकारी अध्यक्ष डा.महेन्द्र विष्टले पद तथा गोपनीयताको शपथ गराउनुभयो ।
यसैगरी, सार्वजनिक सेवा प्रसारण नेपालको निमित्त प्रमुख प्रशासकीय अधिकृतमा विष्णुराम न्यौपानेलाई नियुक्त गरिएको छ ।
तस्विर : मिलन ढुङगाना