२०८३ साल असोज १५ गते बिहीबार
जनकपुरधाम । रेडियो नेपाल प्रादेशिक प्रसारण कार्यालय मधेश र बर्दिबास नगरपालिकाका बीचमा “हाम्रो बर्दिबास : राम्रो बर्दिबास” रेडियो कार्यक्रमको उत्पादन तथा प्रसारण गर्नेसम्बन्धी सम्झौता भएको छ ।
चालु आर्थिक वर्षको प्रत्येक महिनाको पहिलो तथा अन्तिम आइतबार ५ः१५ बजेदेखि ५ः ३० सम्म कार्यक्रम प्रसारण हुने छ । विगत वर्षदेखि नै सो कार्यक्रम सञ्चालनमा छ ।
सम्झौता पत्रमा रेडियो नेपाल प्रादेशिक प्रसारण कार्यालय मधेश प्रदेश बर्दिबासका कार्यालय प्रमुख रामपुकार राम तथा बर्दिबास नगरपालिकाको कार्यालयका तर्फबाट धर्मानन्द जोशीले हस्ताक्षर गर्नुभयो ।
कार्यक्रमबाट बर्दिबास नगरपालिकाको गतिविधिका साथै बर्दिबासका पर्यटकीय स्थलको प्रचार प्रसार गरी पर्यटन प्रवर्द्धनमा मद्दत पुग्ने विश्वास रहेको नगर प्रमुख प्रह्लाद कुमार क्षेत्रीले बताउनुभयो ।