२०८३ साल भदौ २५ गते बिहीबार
काठमाडौँ । मौसमजन्य विपद्बाट हुने जोखिम न्यूनीकरण र जनचेतना अभिवृद्धि गर्ने उद्देश्यले रेडियो नेपालले नयाँ कार्यक्रम´बुझौं न´ शुक्रवारदेखि प्रसारण हुदैछ ।
आगामी शुक्रबारदेखि हरेक हप्ता प्रसारण हुने उक्त कार्यक्रमको पहिलो शृङ्खला शुक्रबार बिहान ७ः४० बजे रेडियो नेपालबाट प्रसारण हुनेछ। कार्यक्रममा बाढी, पहिरो, चट्याङ, डुबान, हावाहुरी लगायत मौसमका कारण उत्पन्न हुन सक्ने विपद्बाट कसरी सुरक्षित रहने भन्ने विषयमा जनचेतनामूलक सामग्री तथा सम्बन्धित क्षेत्रका विज्ञहरूसँगको अन्तरक्रिया समेटिनेछ।
यो कार्यक्रम रेडियो नेपालको सामाजिक सञ्जाल फेसबुक, युट्युब र वेब साइटमा समेत हेर्न र सुन्न सकिने छ ।
