२०८३ साल कार्तिक ४ गते बुधबार
काठमाडौँ I सार्वजनिक सेवा प्रसारण संस्था–पिएसबीका नवनियुक्त कार्यकारी अध्यक्ष डा. महेन्द्र विष्टले प्रसारणका विषयवस्तु नागरिक केन्द्रित बनाउन निर्देशन दिनुभएको छ ।
रेडियो नेपालको केन्द्रिय कार्यालय सिंहदरबारमा आज आयोजित स्वागत कार्यक्रममा कार्यकारी अध्यक्ष डा. विष्टले राष्ट्रको आवश्यकताका आधारमा दुई सरकारी सञ्चार माध्यम रेडियो नेपाल र नेपाल टेलिभिजनलाई एकिकृत गरी सार्वजनिक प्रसारण संस्था बनाइएकोले जनताका आवाज तटस्थ रुपमा आम नागरिकसम्म पु¥याउनु यसको उद्देश्य रहेको बताउनुभयो ।
कार्यकारी अध्यक्ष डा. विष्टले रेडियो नेपालले दूर दराजमा रहेका जनतामाझ पु¥याइरहेको आवाजलाई अझ प्रभावकारी र तटस्थ ढङ्गबाट अगाडि बढाउन पिएसबीको भूमिका महत्वपूर्ण रहने बताउनुभयो ।
अध्यक्ष डा. विष्टले सार्वजनिक सेवा प्रसारणको मर्म अनुसार रेडियो र टेलिभिजनका प्रसारण सामग्रीहरूलाई नागरिक केन्द्रित गर्न आवश्यक रहेको भन्दै सार्वजनिक सेवा प्रसारण अभ्यासबाटै परिणाम दिन सकिने विश्वास व्यक्त गर्नुभयो ।
अध्यक्ष डा. विष्टले सार्वजनिक सेवा प्रशारणमा रूपान्तरण हुने क्रममा आउने विभिन्न चुनौतीको सामना गर्दै सबैले आ आफ्नो जिम्मेवारी र दायित्व उत्साहपूर्वक निर्वाह गर्न पनि आग्रह गर्नुभयो ।
२००७ सालमा स्थापना भएको रेडियो नेपालले कला, संस्कृतिको क्षेत्रमा पु¥याएको योगदानको स्मरण गर्दै कार्यकारी अध्यक्ष डा. विष्टले रेडियो नेपालको ओजपूर्ण र गौरवमय इतिहासलाई थप उचाइमा पुर्याउनुपर्ने बताउनुभयो ।
रेडियो नेपालका नायव कार्यकारी निर्देशक खगेन्द्र खत्रीले सकारात्मक भावनाको विकास र भावनात्मक एकता कायम गरेर मात्रै सार्वजनिक सेवा प्रसारणलाई सफल र प्रभावकारी बनाउन सकिने बताउनुभयो ।
नायव कार्यकारी निर्देशक खत्रीले पिएसबीका रुपमा दुई संस्थालाई सँगसँगै अगाडी बढाउन धेरै काम बाँकी रहेको र ती काम पुरा गर्न नवनियुक्त कार्यकारी अध्यक्ष डा. बिष्टको नेतृत्व महत्वपूर्ण रहेको बताउनुभयो ।
नेपाल टेलिभिजनका नायब महाप्रबन्धक विष्णुराम न्यौपानेले दुई संस्थाका प्रसारणलार्ई सार्वजनिक प्रसारणका रुपमा प्रमाणित गर्न सबैको सहकार्य र समन्वयको आवश्यकता रहेको बताउनुभयो ।
उहाँले पिएसबीलाई सफल बनाउन समयानुकूल प्रविधिको प्रयोग गर्नुपर्ने, उत्पादनशील काममा इमानदारिका साथ लाग्नुपर्ने र संस्थाको हित हुनेगरी सबैले काम गर्नुपर्नेमा जोड दिनुभयो ।
रेडियो नेपालका नायव कार्यकारी निर्देशक चन्द्रभुषणलाल दासले सार्वजनिक सेवा प्रसारण संस्थालाई प्रभावकारी बनाउन सबैले मिलेर आफ्नो दायित्व पुरा गर्नुपर्ने बताउनुभयो ।
नवनियुक्त कार्यकारी अध्यक्ष डा. महेन्द्र विष्टलाई रेडियो नेपालका नायव कार्यकारी निर्देशकहरू खगेन्द्र खत्री र चन्द्रभुषण लाल दास, नेपाल टेलिभिजनका नायब महाप्रबन्धक बिष्णुराम न्यौपाने लगायत दुवै संस्थाका कर्मचारीहरूले स्वागत गर्नुभएको थियो ।
कार्यकारी अध्यक्ष डा. विष्टले नेपाल टेलिभिजनमा रहेको पिएसबीको सचिवालयमा हिजो पदभार ग्रहण गर्नुभएको थियो ।
डा. विष्टललाई मङ्सिर २८ गते बसेको मन्त्रीपरिषद्को बैठकले सार्वजनिक सेवा प्रसारण संस्था–पिएसविको कार्यकारी अध्यक्षमा नियुक्त गरेको थियो ।
तस्विर : मिलन ढुङगाना