पर्खनुहोस वेबसाईट खुल्ने क्रममा छ।

मेलम्ची क्षेत्रिय क्वारेन्टाइन विस्तार गरिने

देवराज सुवेदी, मेलम्ची । सिन्धुपाल्चोकको मेलम्ची नगरपालिकामा क्षेत्रिय क्वारेन्टाइन बढाइने भएको छ । आज  बसेको बैठकको निर्णय अनुसार क्वारेनटाइन बढाउने निर्णय भएको हो ।

हेलम्बु गाउँपालिकाको ग्याल्थुम र पाँचपोखरी थाङ्पाल गाउँपालिकाको तिपेनिमा वैकल्पिक रुपमा क्वारेनटाइन विस्तार गर्ने निर्णय भएको मेलम्ची नगरपालिकाका प्रमुख डम्बर अर्यालले जानकारी दिनुभयो । क्षेत्रिय क्वारेनटाइन विस्तार गर्न र वैकल्पिक क्वारेनटाइन निमार्णको लागि सबै पालिकाहरुले ५ लाख जम्मा गर्नुपर्ने निर्णय भएको जिल्ला समन्वय समिति सिन्धुपाल्चोकका प्रमुख कृष्ण गोपाल तामाङले जानकारी दिनुभयो ।

सिन्धुपाल्चोकका हेलम्बु, इन्द्रावति र पाँचपाखरी थाङ्पाल गाउँपालिकाका अध्यक्ष र मेलम्ची नगरपालिकाका प्रमुख गरी ४ वटा स्थानिय तहका प्रमुख सहित सहायक जिल्ला अधिकारी बाबुराम खनाल, जिल्ला जनस्वास्थ्य कार्यालयका खोप अधिकृत पार्क मणि न्यौपाने लगाएत जनप्रतिनिधिको बैठकले सो निर्णय गरेको हो ।

त्यस्तै आज सम्बन्धित पालिकाहरुलार्ई आर डी टी परीक्षण किट समेत वितरण गरिएको छ । मेलम्ची नगरपालिकाका  जनप्रतिनिधी हरुलाई ५० किट वितरण गरिएको हो भने ७४ स्वास्थ्यकर्मी किट वितरण गरिएको हो ।

हेलम्बुका जनप्रतिनिधिलाई ३०, स्वास्थ्यकर्मिलाई ३२, पाचपोखरी थाङ्पाल गाउँपालिकाका जनप्रतिनिधिलाई ३०, स्वास्थ्यकर्मिलाई ४७, ईन्द्रवती गाउँपालिकाका जनप्रतिनिधिलाई ३०, स्वास्थ्यकर्मिलाई  ७० वटा किट वितरण गरिएको जिल्ला जन स्वास्थ्य कार्यालयका खोप अधिकृत पार्क मणि न्यौपानेले जानकारी दिनुभयो ।