पर्खनुहोस वेबसाईट खुल्ने क्रममा छ।

राप्रपाको एकीकरण सम्पन्न

भुषण पोखरेल । राष्ट्रिय प्रजातन्त्र पार्टी र राष्ट्रिय प्रजातन्त्र पार्टी संयुक्तबिच आज एकता भएको छ ।

काठमाडौमा आज आयोजित एकता भेलामा पार्टी अध्यक्षहरु पशुपति शमशेर जबरा, डा. प्रकाशचन्द्र लोहनी र कमल थापाले अब सामुहिक नेतृत्वका साथ पार्टी अगाडी बढ्ने बताउनुभयो ।

उहाँहरुले कार्यकर्ताहरुलाई नेताको पछाडी नभई नीतिको पछाडी लाग्न निर्देशन दिनुभयो ।

अध्यक्ष त्रयले धार्मिक स्वतन्त्रता सहितको हिन्दु धर्म र संवैधानिक राजसंस्था पार्टीको नीति रहेको बताउनुभयो ।

उहाँहरुले नेपाली काँग्रेसले सशक्त प्रतिपक्षको भुमिका निर्वाह नगरेका कारण सत्तापक्ष भ्रष्ट्राचार र निरंकुश बन्दै गएको आरोप लगाउनुभयो ।

एकता सभामा पार्टी अब तीन अध्यक्षको सहमतिका साथ अगाडी बढ्ने जानकारी गराईएको थियो ।