पर्खनुहोस वेबसाईट खुल्ने क्रममा छ।

सगरमाथा संवादबारे अन्तरराष्ट्रिय सञ्चारमाध्यमलाई ‘ब्रिफिङ’

काठमाडौं । सरकारले आगामी चैतमा आयोजना गर्न लागेको ‘सगरमाथा संवाद’ का बारेमा आज अन्तरराष्ट्रिय सञ्चारमाध्यमका प्रतिनिधिहरुलाई जानकारी गराएको छ । 

परराष्ट्र मन्त्रालयमा आज भएको अन्र्तराष्ट्रिय सञ्चारमाध्यमका नेपालस्थित प्रतिनिधि र नेपाल भ्रमणमा रहेका भारतका पत्रकारसंगको अन्तक्र्रियामा परराष्ट्रमन्त्री प्रदीपकुमार ज्ञवालीले सरकारले छिमेकी, दक्षिण एशियाली, बिमिस्टेक, जलवायु परिवर्तनले असर पारेका पर्वतीय र सामुद्रिक टापुका मुलुकलाई संवादमा सहभागी हुन आमन्त्रण गरिएको बताउनुभयो । 

सगरमाथा संवादको पहिलो संस्करणको शीर्षक ‘जलवायु परिवर्तन, पर्वतीय वातावरण र मानव जातिको भविष्य’ रहेको जानकारी दिनुहुँदै मन्त्री ज्ञवालीले भारतका प्रधानमन्त्री नरेन्द्र मोदीलाई पनि आमन्त्रण गरिएको बताउनुभयो । 

सगरमाथा संवाद आगामी चैत २० देखि २२ गतेसम्म काठमाडौँमा हुनेछ ।