पर्खनुहोस वेबसाईट खुल्ने क्रममा छ।

नेपालको सुखद् शुरुवात, बंगलादेशमाथि सहज जित

अजय बम । दक्षिण एसियाली खेलुकद साग अन्तर्गत बुधबारदेखि भलिबल खेल शुरु भएको छ । पहिलो खेलमा नेपालले बंगलादेशमाथि सहज जित निकाल्दै प्रतियोगितामा सुखद् शुरुवात गरेको छ ।

समूह ए मा रहेको नेपालले विहिबार भारतसँग खेल्ने छ । बुधबार नै भएको अर्को समूह बीको खेलमा भने माल्दिभ्सले वाक ओभर पाएको छ । पाकिस्तानको महिला भलिबल टिम नआएपछि समूहमा माल्दिभ्स सिधै तीन सून्यको सेटले विजयी भएको घोषणा गरिएको थियो ।

नेपाली महिला भलिबल टिमले जितका साथ प्रतियोगिता सुरु गरेको छ । जसमा नेपाली महिला टिमले पहिलो खेलमा बंगलादेशमाथि तीन शुन्यको सहज जित हात पार्यो ।

त्रिपुरेश्वर स्थित राष्ट्रिय खेलकुद परिषद्को कर्भड हलमा भएको खेलमा नेपालले बंगलादेशमाथि तीन शुन्यको सेटमा पाखा लगायो । जसमा नेपालले २५–९, २५–८, २५–११ को सेटमा हरायो । 

ओपन स्पाइकर उषा भण्डारी र मिडल ब्लकर हिरा केसीले नेपाली महिला राष्ट्रिय भलिबल टोलीका लागि डेब्यु गरेका छन् । नेपालले १३ औं दक्षिण एसियाली खेलकुद अन्तर्गत पहिलो खेलमा बंगलादेशमाथि सहज जित दर्ता गर्दा दुवैले डेब्यु गरेका हुन् ।