पर्खनुहोस वेबसाईट खुल्ने क्रममा छ।

आइसीसी टी–२० बरियतामा नेपाल एक स्थान तल

काठमाडौं । आइसीसी टी–२० बरियतामा नेपाल एक स्थान तल झरेको छ । आइसीसीले सार्वजनिक गरेको नयाँ बरियतामा नेपाल १२ औं स्थानमा पुगेको छ । 

यसअघि ११ औं स्थानमा रहेको नेपाल एक स्थान तल झर्दै १२ औं स्थानमा पुगेको हो ।

यसपटक नेपाललाई उछिन्दै स्कटल्याण्ड ११ औं स्थानमा पुगेको छ । नेपाल भन्दा पछाडी युएई, जिम्बावे, आयरल्याण्ड, नेदरल्याण्ड रहेका छन । 

नेपाल र स्कटल्याण्डको समान एक सय ९४ रेटिङ पोइन्ट रहेपनि वेट पोइन्टका आधारमा नेपाल स्कटल्याण्ड भन्दा पछाडी परेको हो ।

ब्यक्तिगत तर्फ ब्याटिङको बरियताखमा नेपाली टिमका कप्तान पारस खड्का ६६ औं स्थानमा यथावत रहेका छन भने अलराउण्डरमा २७ औं स्थानमा यथावत रहेका छन । अलराउण्डमा सोमपाल कामी ६७ औं स्थानमा छन । बलिङमा बसन्त रेग्मी ७३ औं स्थानमा पुगेका छन भने सोमपाल कामी ७८ औं स्थानमा पुगेका छन ।