पर्खनुहोस वेबसाईट खुल्ने क्रममा छ।

पर्वतमा १५ मेट्रिक टन कफी उत्पादन

पर्वत । पर्वतमा यो वर्ष १५ मेट्रिकटन कफी उत्पादन भएको छ । गत वर्षको तुलनामा उत्पादन घटेको छ । 

हिउँदको समयमा बेलाबेलामा आएको मौसमको खराबीका कारण उत्पादन घटेको कफी व्यवसायी संघ पर्वतले जनाएको छ । गत वर्ष करिब २० टन उत्पादन भएको थियो । 

यो वर्ष गत वर्षको तुलनामा पाँच मेट्रिक टन कम उत्पादन हुँदा व्यवसायीलाई पाँच लाख ६० हजार घाटा भएको छ । 

कफीको गेडा पुष्टिने बेला पुष अन्तिम सातादेखि फागुन दोस्रो हप्तासम्म असिना पानी र चिसो मौसम भएपछि पुष्टिन नपाएर उत्पादन कम भएको हो । करिब एक टन बोटबाट झरेर खेर गएको पनि संघले जनाएको छ । 

यो वर्ष जिल्लाभरिको संकलन गर्दा १ करोड २० लाख रुपैयाँ बराबरको तयारी कफी उत्पादन भएको संघका अध्यक्ष भवानीप्रसाद शर्माले जानकारी दिनुभयो ।