पर्खनुहोस वेबसाईट खुल्ने क्रममा छ।

किमको निमन्त्रणा चिनियाँ राष्ट्रपति सीद्धारा स्वीकार

radionepal

काठमाण्डौं । चीनका राष्ट्रपति सी चिनफिङले उत्तर कोरियाली नेता किम जोङ उनद्धारा प्योङयाङ भ्रमणका लागि दिएको निमन्त्रणालाई स्वीकार्नुभएको कोरियाली समाचार संस्था (केसीएनए) ले बिहीबार जनाएको छ । 
“चिनियाँ राष्ट्रपति सीले नेता किमद्धारा दिएको निमन्त्रणालाई ‘खुशीसाथ स्वीकार’ गर्नुभएको छ ,” केसीएनएले उत्तर कोरियाली अधिकारीको भनाई उद्धृत गरेको छ । 
“मङ्गलबार बेइजिङमा भएको भेटवार्ताका क्रममा सीले प्योङयाङको भ्रमण योजनाबारे बताउनुभएको छ,” किमले स्वदेश फर्केपछि उक्त उत्तर कोरियाली समाचार संस्थासँगको कुराकानीमा बताएको जनाइएको छ । 
यद्यपि भ्रमण योजनाबारे बिस्तृत विवरण भने तत्काल सार्वजनिक गरिएको छैन । 
यदि सी भ्रमणमा आउनुभएमा यो चिनियाँ राष्ट्रपतिद्वारा प्योङयाङ आठ बर्ष पछि प्योङयाङ जानुहुनेछ । यस पहिले सन् २०११ मा पूर्व नेता स्वर्गीय किम जोङ–इलको नेतृत्व रहेका समय तत्कालिन राष्ट्रपति हु जिन्ताओले उत्तर कोरियाको भ्रमण गर्नुभएको थियो ।