पर्खनुहोस वेबसाईट खुल्ने क्रममा छ।

वातावरण दिवसका अवसरमा एक वर्षे कार्यक्रम घोषणा हुने

काठमाडौँ । सरकारले विश्व वातावरण दिवसका अवसरमा भोली नेपाल स्वच्छ वातावरण महाअभियान–२०७५ सम्बन्धी एकवर्षीय कार्यक्रम घोषणा गर्ने भएको छ । 

काठमाडौंमा आज आयोजित कार्यक्रममा वन तथा वातावरणमन्त्री शक्तिबहादुर बस्नेतले वन क्षेत्रको संरक्षण र विकास गरी जनताको जीवन स्तर उठाइने र यस वर्ष एक लाखलाई रोजगारी दिलाइने योजना रहेको बताउनुभयो । 

सरकारले अब काठ आयात गर्ने परिस्थितिको अन्त्य गरी काठ निर्यात गर्ने तहमा प्रवेश गर्ने तथा बेतबाँस, सल्लो आदिमा आधारित जडीबुटीको उद्योग तथा प्रशोधनमा ध्यान दिइने तथा एक वर्षभित्र हरियाली प्रर्वद्धन तथा स्वच्छ वातावरण निर्माण गरी काठमाडौँलाई धुलो र धुवाँमुक्त बनाइने दृढता व्यक्त गर्नुभयो ।