चीनका ९३० उद्योगले २५ अर्ब ४८ करोड रुपिया भन्दा बढी लगानी गर्न स्वीकृति प्राप्त

0

काठमाडौँ, २५ जेठ

नेपालमा छिमेकी मुलुक चीनका ९३० उद्योगले २५ अर्ब ४८ करोड रुपिया भन्दा बढी लगानी गर्न स्वीकृति प्राप्त गरेका छन् ।

विश्व बजारमा लगानीमार्फत प्रवेश गर्दैआएको चीनको लगानीबाट मुलुकमा करिब ४५ हजार ८६९ रोजगारी सिर्जना हुने उद्योग विभागले जनाएको छ ।

विदेशी उद्योगको जम्मा लगानी एक खर्ब ९२ अर्ब ९४ करोड रुपिया रहेको र सो लगानीबाट दुई लाख १४ हजार १२१ रोजगारी सिर्जना भएको अनुमान छ ।

विदेशी उद्योग दर्ता प्रक्रियाको सहजताका लागि अनलाइन सेवा सुरु गर्ने तयारी गरेको विभागका निर्देशक रुद्रबहादुर मल्लले जानकारी दिनुभयो ।

नेपालमा दर्ताका भएका विदेशी उद्योगमध्ये सबैभन्दा बढी एक हजार १८३ सेवा क्षेत्रका छन् भने सबैभन्दा कम ४५ निर्माण क्षेत्रका रहेका विभागले जनाएको छ ।

माछा उत्पादनमा मोरङ जिल्लालाई आत्मनिर्भर बनाउन चालु आर्थिक वर्षमा तीन करोड रुपिया अनुदान वितरण गरिने भएको छ ।

विशेष मत्स्यपालन कार्यक्रमअन्तर्गत सो रकम वितरण हुन लागेको जिल्ला कृषि विकास कार्यालय, मोरङले जनाएको छ ।

मत्स्यपालनका लागि पोखरी खन्न कृषकलाई तीन लाखका दरले अनुदान रकम उपलब्ध गराउन लागिएको कार्यालयले जनाएको छ ।

Leave A Reply